အတင်းပြောတာ အကုသိုလ်အလုပ်(စိတ်အားဖြည့် ဓမ္မနှင်းပွင့်)
၁။ ကိုယ်ကျင့်တရားသည် အရေးကြီးဆုံး လူသိက္ခာ
လူတစ်ယောက်ဟာ ပင်ကိုယ်ရုပ်အဆင်း ဘယ်လောက်ချောချော
ကိုယ်ကျင့်တရားမကောင်းရင် လုံးဝကျက်သရေမရှိပါဘူး။
ပင်ကိုယ်ရုပ် မလှပေမယ့် ကိုယ်ကျင့်တရားကောင်းရင် ကျက်သရေရှိပါတယ်။
လူတစ်ယောက်ရဲ့ ဂုဏ်သတင်းပျံ့မွှေးမှုကို ရေရှည်တည်တံ့အောင်
ထိန်းသိမ်းထားနိုင်တာ ကိုယ်ကျင့်တရားရနံ့ တစ်ခုပဲရှိပါတယ်။
ကိုယ်ကျင့်တရား ခိုင်မြဲနေသမျှ ဂုဏ်သိက္ခာအားလုံး ခိုင်မြဲနေဦးမှာပါပဲ။
ကိုယ်ကျင့်တရား ပျက်စီးရင်တော့ ရှိသမျှဂုဏ်အားလုံး ပျက်စီးသွားပါပြီ။
၂။ အတင်းပြောတာ အကုသိုလ်အလုပ်
အတင်းပြောတာ ဝါသနာပါတဲ့သူတွေက
“သူများပါးစပ် ငှားပြောတာ မဟုတ်ဘူး ကိုယ့်ပါးစပ်နဲ့ ကိုယ်ပြောတာ ဘာဖြစ်လဲ…!
ဟုတ်လို့ဟုတ်တယ်ပြောတာ မှန်လို့မှန်တယ်ပြောတာ ဘာဖြစ်လဲ…လို့”
နှုတ်သီးကောင်းလျှာပါးနဲ့ ရန်စကားပြောတတ်ကြပါတယ်။
ဟုတ်ကဲ့……ဘာမှမဖြစ်ပါဘူး။ အကုသိုလ်ဖြစ်ရုံနဲ့ ငရဲကျရုံလောက်ပါပဲ။
ဘာလို့လဲဆိုတော့ အတင်းပြောတယ်ဆိုတာ ဝစီဒုစရိုက်အမှု ကျူးလွန်နေတာမို့ပါ။
၃။ ယုံကြည်ချက်ရှိမှ ဘဝတောက်ပမယ်
ယုံကြည်မှု သဒ္ဓါတရားဟာ စိတ်ကို ကြည်လင်စေရုံသာမက နှလုံးသားကိုလည်း တောက်ပစေပါတယ်။
သဒ္ဓါတရားပိုင်ရှင်ရဲ့ နှလုံးသွေးဟာ ရွှေဝါရောင်တောက်ပနေတာမို့ သဒ္ဓါတရားထင်ရှားနေတဲ့အခိုက်
အဲဒီလူရဲ့ မျက်နှာတစ်ခုလုံးဝင်းလက်တောက်ပနေပါတယ်။
ကုသိုလ်အလုပ်တစ်ခုခုကို စိတ်ပါလက်ပါအာရုံစိုက်ပြီး လုပ်နေချိန်မှာ သဒ္ဓါတရားသိပ်ထင်ရှားနေတဲ့အတွက်
အဲဒီအချိန်မှာ ရုပ်အဆင်း ဝင်းလက်တောက်ပမှုလည်း အရမ်းကိုသိသာပေါ်လွင်နေပါတယ်။
သဒ္ဓါတရားအားကောင်းလေ ရုပ်အဆင်းရော ဘဝအခြေအနေပါ တိုးတက်တောက်ပလေပါပဲ။
၎။ တရားအလှူသာ အမြတ်ဆုံး
ဘုရား ပစ္စေကဗုဒ္ဓါကလွဲရင် တရားအလှူမရှိဘဲ တရားထူးရတဲ့သူ
တရားအလှူမပါဘဲ သံသရာလွတ်မြောက်တဲ့သူ
ရှေးကလည်းမရှိခဲ့၊ အခုလည်းမရှိ၊ နောင်လည်း ဘယ်တော့မှ ရှိမှာမဟုတ်ပါဘူး။
တရားထူးရရေး သံသရာလွတ်မြောက်ရေးမှာ တရားအလှူဟာ မပါမဖြစ် မရှိမဖြစ်တဲ့အတွက်
တရားအလှူ ဓမ္မဒါနဟာ အနှိုင်းမဲ့ အလှူ ဖြစ်ရပါတယ်။
၅။ တရားအလှူသူဟာ မသေဆေးတိုက်ကျွေးတဲ့သူပါ
ဓမ္မဒါနဟာ အမတဒါနပါ။ တရားအလှူဟာ မသေခြင်း အလှူပါ။
သူတစ်ပါးကို တရားပေးလှူရင် သူတစ်ပါးကို မသေခြင်း ပေးလှူရာရောက်ပါတယ်။
မသေဓာတ် ပေးအပ်ရာရောက်ပါတယ်။
သူတစ်ပါးကို မသေအောင် လုပ်ပေးရတဲ့ အလုပ်လောက်
ကောင်းတဲ့အလုပ်မျိုး လောကမှာ ရှိပါဦးမလား။
လုံးဝ(လုံးဝ) ကို မရှိနိုင်တော့ပါဘူး။
ဦးဇင်းရဲ့ ၀ိရဓမ္မ ဘလော့မှာလည်း သွားရောက်လေ့လာဖတ်ရှုနိုင်ပါတယ် ခင်ဗျာ။
No comments:
Post a Comment