အိပ်မက်မြင်မက်ခြင်းအကြောင်း တစ်စေ့တစ်စောင်း
လူရယ်လို့ဖြစ်လာကြတဲ့သူတိုင်းဟာ ကြီးကြီး ငယ်ငယ် ရွယ်ရွယ်လတ်လတ် အိပ်မက်ကိုတော့ မြင်မက်ဘူးကြတဲ့ သူတွေချည်းပဲဖြစ်မှာပါ။ တခါတလေကျ ပျော်ရွှင်ဖွယ်ရာ ကြည်နူးစရာ အိပ်မက်တွေကို မြင်မက်တတ်ကြသလို တခါတလေကြတော့လည်း ထိတ်လန့်စရာ ကြောက်လန့်စရာအိပ်မက်ဆိုးမျိုးကိုလည်းမက်တတ်ကြပါတယ်။ တချို့သောသူများကအိပ်မက်ကိုသိပ်အလေးမထားလို့စွဲလမ်းမှုဥပါဒါန်မဖြစ်သောကြောင့်ဘေးမဖြစ်ြ ကပေမဲ့လည်း၊အိပ်မက်အပေါ်အစွဲအလမ်းကြီးတဲ့သူတွေကျတော့ကောင်းတဲ့အိပ်မက်ကို မြင်မက်လို့ ဘာမှမဖြစ်ပေမည့် မကောင်းဆိုးဝါးတဲ့ အိပ်မက်မျိုးကို မက်မြင်ရင်တော့ ထိုအိပ်မက်အပေါ် စိတ်ကရောက်ပြီး မိမိထင်ချင်ရာထင်လို့ နောက်ဆုံ မိမိစိတ်က မိမိကို ပြန်လည်ခြောက်လှန့်သောကြောင့် စိတ်မချမ်းမသာဖြစ်တတ်ကြပါတယ်။
အဋ္ဌာကထာကျမ်းပြုဆရာတော်များ၏ရေးသားဖော်ပြချက်အရအိပ်မက်မက်ခြင်းအကြောင်းတရား (၄)မျိုးရှိကြောင်းသိရှိရပါတယ်။ ထို(၄)မျိုးမှာ-
(၁) ဓာတုက္ခောဘတော =ခန္ဓာကိုယ်အတွင်း၌ရှိသော သည်းခြေ၊သလိပ်၊သွေး၊လေ အစရှိသော ဓါတ်သဘောများ မသင့်မမျှတသောကြောင့် အိပ်မက်မြင်မက်ခြင်း။
ထိုကဲ့သို့သွေး၊လေ၊သည်းခြေ၊အစရှိသည့်ခန္ဓာကိုယ်၏ဓါတ်သဘောများများဖောက်ပြန်သဖြင့်မြင်မက်သောအိပ်မက်မျိုးမှာ၊ထိတ်လန့်ကြောက်စရာကောင်းသောအိပ်မက်ဆိုးမျိုးကိုမြင်မက်တတ်ပါတယ်။တာင်ပေါ်မှ တောင်အောက်သို့ လိမ့်ကျသလို၊ကောင်းကင်ခရီး၊ပင်လယ်ပြင်ခရီးများကို အသဲတထိတ်ထိတ်သွားနေတွေ့ကြုံနေရသလို၊ ဆင်၊ကျား၊ခြင်္သေ့၊အစရှိသော တိရိစ္ဆာန်ဆိုးများနှင့် လူဆိုးများမှ နောက်မှနေ၍ လိုက်လံ ဖမ်းဆီး နှိပ်စက် သတ်ဖြတ်နေသလို အိပ်မက်ဆိုးများကို မြင်မက်တတ်ကြပါသည်။
ထို့အပြင်မိမိအိပ်နေသည့်အနေအထားမမှန်ကန်ပါကလည်းအိပ်မက်ဆိုးများမြင်မက်တတ်ပါတယ်။ ဥပမာ လက် ၊ခြေ ၊ဦးခေါင်း စသော ကိုယ်အင်္ဂါအစိပ်အပိုင်းများအပေါ်တွင် တဖက်သတ်ဖိ၍ အိပ်ခြင်းမျိုးများနှင့် အိပ်ယာနေရာ ပါတ်ဝန်းကျင်အနေအထား မကောင်းခြင်း စိတ်မကြည်မလင်ဖြစ်ခြင်များဖြစ်ပေါ်ပါကလည်းမြင်မက်တတ်ပါသည်။နေရာအပြောင်းအလဲဖြစ်ခြင်းကိုယ်နှင့်မတည့်သည့်အရပ်ဒေသများ၌နေထိုင်ခြင်များသည်လည်းအိပ်မက်ဆိုးများမက်စေပါတယ်။
ထိုကဲ့သို့သည်းခြေ၊သွေး၊လေ။အစရှိသောကိုယ်ခန္ဓာဓါတ်သဘောတရားများမမျှတမှုကြောင့်မက်သော အိပ်မက်မျိုးသည် လုံးဝမမှန်ပေ။ အိပ်မက်ထဲကအတိုင်း အပြင်ဘ၀မှာ လုံဝ မဖြစ်နိုင်ပါ။
နံပါတ်နှစ်အိပ်မက်မျိုးကတော့=
(၂)အနုဘူတပုဗ္ဗတော=မိမိရှေ့ယခင်ကတွေ့ကြုံဖူး၊မြင်ဖူး၊သိဘူး၊ကြားဖူး၊ရောက်ဖူးသော၊နေရာများ လူပဂ္ဂိုလ်များနှင့်ပတ်သက်၍မိမိရဲ့မသိ(ဘ၀င်)စိတ်ကစေ့ဆော်သောကြောင့်ထိုအရာတွေနှင့်ပါတ်သက်ပြီးပျော်ရွှင်ဖွယ်ရာ၊ထိတ်လန့်စရာစသည့်အမျိုးမျိုးမြင်မက်သောအိပ်မက်မျိုးဖြစ်သည်။၎င်းအိပ်မက်မျိုးသည်အစီအစဉ်မကျထင်ရာမြင်ရာမက်တတ်ပါသည်။
ထိုကဲ့သိုမြင်မက်သောအိပ်မက်မျိုးသည်လည်းလုံးဝမမှန်ပေ။များသောအားဖြင့်ထိုကဲ့သို့သောအိပ်မက်မျိုးကိုသာ မက်တတ်ကြပါသည်။ အိပ်ရေးအလွန်းဝသောအခါ အိပ်ရေးမ၀သောအခါမျာ၌ လည်း မြင်မက်တတ်ပါသည်။
(၃)ခုမြောက်အိပ်မက်ကတော့=ဒေ၀တောပသံဟာရတော=နတ်တို့ကလှည့်စားသောကြောင့်မြင်မက်သောအိပ်မက်မျိုးဖြစ်ပါသည်။နတ်များကချစ်၍ကောင်းကျိုးရှိစေလိုသောသို့မဟုတ်အကျိုးမဲ့စေလိုသောကြောင့်နှင့် အိပ်မက်ကောင်များမက်စေခြင်းဖြင့် စိတ်ချမ်းသာစေလိုခြင်း၊ မကောင်းသောသော အိပ်မက်များကို မက်မြင်စေခြင်းဖြင့် စိတ်ဆင်းရဲစေလိုသောကြောင့် နတ်တို့ကမြင်မက်စေတတ်သော အိပ်မက်မျိုးဖြစ်ပါသည်။
မိမိလုပ်ဆောင်နေသည့် အလုပ်အကိုင် နေရာဋ္ဌာန များကို မကြိုက်မနှစ်သက်ပါကလည်း ကောင်ကျိုးလိုလားသောနတ်များကအိပ်မက်ပေးသကဲ့သို့၊မိမိလုပ်ငန်းစသည်ကိုပျက်ပြားစေရန်အတွက်လည်း လှည့်စား၍ အိပ်မက်ပေးတတ်ပါသည်။ထိုကဲ့သို နတ်များလှည့်ဖျားသောကြောင့် မြင်မက်သော အိပ်မက်မျိုးသည် နတ်တို့က အကျိုးလိုလား၍ မြင်မက်စေသော အိပ်မက်မျိုးသည် မှန်တတ်ပြီး အကျိုးမဲ့ကို ဖြစ်စေလိုသောကြောင့် မြင်မက်စေသော အိပ်မက်မျိုးသည် လုံးဝမမှန်တတ်ပေ။
(၄)ပုဗ္ဗနိမိတ္တတော=နောင်အနာဂါတ်ကာလတွင်ဖြစ်ပေါ်မည့်အနာဂါတ်အကြောင်းတရားများကိုကြိုတင်၍မြင်မက်သောအိပ်မက်မျိုးသည်ကောင်းမှုမကောင်းမှု(ကုသိုလ်အကုသိုလ်)ကံအစွမ်းကြောင့်ရှေ့ဖြစ်ပေါ်မည့်အကြောင်းအရာများကိုရှေ့ပြေးအဖြစ်မြင်မက်စေသောအိပ်မက်မျိုးဖြစ်ပါသည်။ ထိုသို့သောအိပ်မက်မျိုးသည် အများအားဖြင့် မှန်တတ်ပေသည်။
ရဟန္တာများတွင် ၀ိပလ္လာသ တရားများပယ်ရှားပြီးဖြစ်သောကြောင့် မည်သည့်အိပ်မက်မှ မမြင်မက်တော့ပေ၊သောတာပန်၊သကဒါဂါန်၊အနာဂါန်၊ပုဂ္ဂိုလ်များသာမြင်မက်ကြပါသည်။အချိန်ကာလအားဖြင့် နေ့အခါမြင်မက်သောအိပ်မက်၊ညဥ့်ဦးယံ၊သန်းခေါင်ယံ၊ မိုးသောက်ရန်အခါတို့တွင် မြင်မက်သော အပ်မက်သည် မမှန်တတ်ပေ၊ မိုးသောက်အားကြီး လင်းခါနီးအချိန်မှာမြင်မက်သော အိပ်မက်သည် မှန်တတ်ပါသည်။
´´ထို့သော် အထူးမှတ်သားထားရမည်မှာ သာမာန်လူတို့တွင် (၁) သွေး၊လေ၊သည်ခြေ စသည့် ခန္ဓာကိုယ်ဓါတ်သဘောတရားများခြောက်ခြားသောကြောင့်မြင်မက်သော အိပ်မက်နှင့်၊(၂)ရှေ့ကတွေ့ကြုံ မြင်ဖူး၊ကြားဖူး လေ့ကျက်ဖူးသောကြောင့် မြင်မက်သော အိပ်မက်များသာ မက်မက်တတ်ကြပါသည်။ကျန်သည့် ၂-မျိုးမှာ မြင်မက်လေ့ မရှိပေ´´
´´ဘုရားလောင်း၊ အရိယာပုဂ္ဂိုလ်သူတော်ကောင်းများနှင့် ၊ တိုင်းပြည်အုပ်ချုပ်သည့် ရှင်ဘုရင်များသာ နောက်ဆုံး ၂-မျိုးမြင်မက်၍ မြင်မက်သည့်အအတိုင်းပင် မှန်ကန်တတ်သည်ကို စာပေများ၌ တွေ့ရပါသည်´´
´´ထို့ကြောင့် သာမာန်သူလိုငါလို လူသားများအနေဖြင့် မြင်မက်သော အိပ်မက်များအပေါ်တွင် စိတ်ဖိစီး၍ မနေသင်ပေ။ ထိုကဲ့သို လက်တွေ့မဖြစ်နိုင်သည့် အိပ်မက်များအပေါ်တွင်ယုံကြည်ကာစိတ်မပျော်မရွှင်ခြင်းနှင့်အိပ်မက်ကောင်းများမြင်မက်သောကြောင့် စိတ်အလွန်းယုံကြည်နေခြင်းမျိုးလုံးဝ မမဖြင်သင့်ပေ´´
အကယ်၍မကောင်းသည့်အိပ်မက်ဆိုးများမမြင်မက်လိုပါကထိုမကောင်းသည့်အိပ်မက်များပေါ်တွင်အစွဲအလမ်းမထားရန်နှင့် တခြားသော အရာများအပေါ်တွင်လည်း လွန်စွာတွေးတောပူပန် အစွဲမထားသင့်ပေ။ ညအိပ်ရာဝင်တွင် ဘုရားရှိခိုး၍ အိပ်စက်ခြင်း လောကသားသတ္တ၀ါးတို့အား မေတ္တာကိုစူးစိုက်စွာပို့ခြင်းနှင့်မိမိ၏အိပ်ရာနေယာအားသန့်ရှင်းစွာထားပြီးအိပ်စက်ဘို့ရန်အထူးလိုအပ်လှပါသည်။
နောက်ဆုံးအချုပ်အားခြင့်ဆိုရသော် ထိုအိပ်မက်ခြင်မျိုးသည် သာမာန်သူတို့အတွက် ဘာမှ အကျိုး၊ အပြစ်မဖြစ်စေနိုင်သောကြောင့် ကောင်း ၊မကောင်း မည်သည့်အိပ်မက်ကိုပဲ မြင်မက်သည်ဖြစ်စေ စိတ်ထဲတွင် မထားပဲ မိမိလုပ်ဆောင်သင့်သည့် လောကီ၊လောကုတ္တရာ အလုပ်ကောင်များကိုသာ နှစ်ဦးနှစ်ဘက်အကျိုးရှိစေရန် လုပ်ဆောင်သင်လှပါသည်။
(သူ့အကျိုး၊ ကိုယ့်အကျိုး ၊ သည်ပိုးနိုင်သောသူများ ဖြစ်ကြပါစေ)
ဓမ္မ၀ီရ-အရှင်တေဇနိယ (ကိုလံဘို-သီရိလင်္ကာနိုင်ငံ)
No comments:
Post a Comment